Мэдээ мэдээлэл
ТХХТ-ийн хүрээнд төсөл, хөтөлбөрүүдийн хэрэгжилтийг эрчимжүүлэхийг үүрэг болголоо
Монгол Улсын Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр Төр, хувийн түншлэлийн төв ТӨААТҮГ-т ажиллаж, тус төвийн үйл ажиллагаа, хэрэгжүүлж буй төсөл, хөтөлбөрүүдийн явцтай танилцлаа.
Европын холбоо, ЕХОБ-тай хувийн хэвшилд түшиглэсэн төслүүдийг хамтран хэрэгжүүлэхээр тохиролцлоо
Уулзалтын эхэнд Тэргүүн Шадар сайд Ж.Энхбаяр Европын Холбоо болон түүний гишүүн улс орнуудтай худалдаа, хөрөнгө оруулалтын харилцааг идэвхжүүлэх нь Монгол Улсын эдийн засгийн гадаад харилцаанд чухал байр суурь эзэлдэг болохыг онцлоод, энэ хүрээнд хамтран ажиллах боломжтой тэргүүлэх салбарууд болон стратегийн ач холбогдол бүхий томоохон төслүүдийг танилцуулсан юм.
Цахим хөгжил, инновацын салбарт төр-хувийн хэвшлийн түншлэлийг өргөжүүлнэ
Эдийн засаг, хөгжлийн сайд Ж.Энхбаяр өнөөдөр Цахим хөгжил, инновац, харилцаа холбооны сайд Э.Батшугар тэргүүтэй тус яамны удирдлагуудыг хүлээн авч уулзав. Уулзалтын үеэр Цахим хөгжил, инновац, харилцаа холбооны салбарт 2026-2027 онд хэрэгжүүлэхээр төлөвлөж буй бодлого, хөтөлбөр, эрх зүйн шинэчлэлийн талаар санал солилцлоо.
“ХУРГАТАЙ ХАЙРХАН” ХХК МӨРӨН–УЛИАСТАЙ ЧИГЛЭЛИЙН АВТО ЗАМЫН ТӨСЛИЙН СОНГОН ШАЛГАРУУЛАЛТАД ОРОЛЦОНО
Засгийн газраас Мөрөн–Улиастайн чиглэлийн 261.8 км авто замын төслийг төр, хувийн хэвшлийн түншлэлээр хэрэгжүүлэхээр шийдвэрлэж, 2025 оны 12 дугаар сарын 25-нд сонгон шалгаруулалтын ажлын хэсгээс төслийн талаарх мэдээллийг сонирхсон аж ахуйн нэгжүүдийн удирдлагад танилцуулсан.
Төр болон хувийн хэвшлийн түншлэл гэж юу вэ?
Төр болон хувийн хэвшлийн түншлэл гэдэг нь Төр, хувийн хэвшил хамтран хөрөнгө оруулалт, менежмент, эрсдэлийг хуваалцаж, дэд бүтэц болон төрийн үйлчилгээг хурдан, чанартай, үр ашигтай хэрэгжүүлэх хамтын ажиллагааны загвар юм.
Төр, хувийн хэвшлийн түншлэлээр төсөл хэрхэн хэрэгжүүлэх вэ?
Төрийн, нийтийн зориулалттай дэд бүтэц болон төрийн үйлчилгээний салбарт хэрэгжүүлэх төслийг санаачилна.
МӨРӨН-УЛИАСТАЙН ЧИГЛЭЛИЙН 261,8 КМ АВТО ЗАМЫГ ТӨР, ХУВИЙН ХЭВШЛИЙН ТҮНШЛЭЛЭЭР ХЭРЭГЖҮҮЛЭХ ААН-ИЙГ СОНГОН ШАЛГАРУУЛНА
Мөрөн–Улиастайн чиглэлийн авто замын төслийн түншлэлийн гэрээний нийт хугацаа 25 жил бөгөөд үүнээс авто зам барих хугацаа 3 жил байна. Төсөл нь дараах хоёр хэсгээс бүрдэнэ.
АЖЛЫН БАЙРНЫ НЭЭЛТТЭЙ СОНГОН ШАЛГАРУУЛАЛТЫН ЗАР
Төр, хувийн хэвшлийн тухай хуулийн 12 дугаар зүйлийн 12.1 дэх хэсэг, Засгийн газрын 2023 оны 86 дугаар тогтоолоор батлагдсан “Төрийн өмчийн хуулийн этгээдийн ажлын байрны сул орон тоонд нээлттэй сонгон шалгаруулалт явуулах нийтлэг журам”, Төр, хувийн хэвшлийн түншлэлийн төв ТӨААТҮГ-ын захирлын 2025 оны 12 дугаар сарын 09-ний өдрийн “Ажлын хэсэг байгуулах тухай” А/050 дугаар тушаалыг тус тус үндэслэн Түншлэлийн төвийн бүтцийн нэгжийн дараах албан тушаалд нээлттэй сонгон шалгаруулалт зарлаж байна.
Төр, хувийн хэвшлийн түншлэлийн журмуудад санал авч байна.
Монгол Улсын Их Хурлын 2025 оны 11 дүгээр сарын 14-ны өдрийн нэгдсэн чуулганаар Төр, хувийн хэвшлийн түншлэлийн тухай хуульд нэмэлт, өөрчлөлтийг батлагдсантай уялдуулан Засгийн газрын 2023 оны 404 дүгээр тогтоолын нэгдүгээр хавсралтаар баталсан “Түншлэлээр хэрэгжүүлэх төслийн бүрэн шинжилгээ хийх журам”-д нэмэлт, өөрчлөлт оруулах, мөн тогтоолын хоёрдугаар хавсралтаар баталсан “Хувийн хэвшлийн түншлэгчийг болон зөвлөх үйлчилгээг сонгон шалгаруулах журам”-ыг хүчингүй болгож, шинэчлэн батлах, Засгийн газрын 2023 оны 405 дугаар тогтоолын хавсралтаар баталсан “Төр, хувийн хэвшлийн түншлэлийн гэрээ байгуулах журам”, Засгийн газрын 2023 оны 406 тогтоолын хавсралтаар баталсан “Маргаан шийдвэрлэх зөвлөлийн ажиллах журам”-уудад нэмэлт, өөрчлөлт оруулах Засгийн газрын тогтоолын төсөлд тус тус 2025 оны 12 дугаар 01-ны өдрөөс 31-ний өдрийг хүртэл санал авч байна.
Түншлэлээр хэрэгжүүлэх төслийн төсөвт үзүүлэх нөлөөлөл, эрсдэл тооцох загвар
Энэ журмын зорилго нь Төр, хувийн хэвшлийн түншлэлийн тухай хуулийн хүрээнд түншлэлээр хэрэгжүүлэхээр хөгжлийн бодлогын баримт бичигт тусгагдсан төсөлд түншлэлээр хэрэгжүүлэх төслийн үр ашиг, ач холбогдлыг нарийвчлан судалж тогтоох, хэрэгжүүлэх боломжийн талаар дүгнэлт гаргах, түншлэлийн төрөл, төслийг хэрэгжүүлэх гэрээний төрөл, хэлбэрийг тодорхойлох зорилгоор түншлэлийн төслийн төлөвлөлт, урьдчилсан үнэлгээ, түншлэлийн төслийн бүрэн шинжилгээ (цаашид “төслийн бүрэн шинжилгээ” гэх) хийх үйл ажиллагааг зохицуулна.
ТӨРИЙН ҮЙЛЧИЛГЭЭНИЙ ЗАРИМ ТӨСЛИЙГ ТЭЗҮ ШААРДАХГҮЙ, ТҮНШЛЭЛЭЭР ХЭРЭГЖҮҮЛЭХ БОЛОМЖТОЙ БОЛЛОО
Төр, хувийн хэвшлийн түншлэлийн тухай хуульд нэмэлт, өөрчлөлт оруулах тухай хуулийн төсөл УИХ-ын чуулганы нэгдсэн хуралдаанаар эцэслэн батлагдлаа.