Түншлэлийн төслийн нэр: “Байдрагийн 30 мВт хүчин чадал бүхий усан цахилгаан станц төсөл” 

Төслийн байршил: Баянхонгор аймгийн Бууцагаан, Бөмбөгөр сумдын нутаг Сүүдэртийн хясаа нэртэй газар. 

Төсөвт өртөг: 53.3 сая ам доллар. 

Түншлэлийн гэрээний төрөл: Зураг төсөл, төсвийг боловсруулах-Барих-Ашиглах- Шилжүүлэх 

Түншлэлийн гэрээний хугацаа: 30 жилээс илүүгүй байна. 

Судлагдсан байдал: ТЭЗҮ боловсруулагдсан. 

Урьдчилсан үнэлгээ: ТХХТХ-ийн дагуу 2025 оны 3 дугаар сарын 18-нд хийгдсэн 

Хөгжлийн бодлогын баримт бичигт тусгагдсан эсэх:  

Монгол Улсын Их Хурлын 2020 оны 52 дугаар тогтоолын 1 дүгээр хавсралтаар батлагдсан “Алсын хараа-2050”, Монгол Улсын урт хугацааны хөгжлийн бодлогын зорилтын 4.2.8.“Цахилгаан станцуудыг өртгөтгөж, цахилгаан дамжуулах агаарын шугам, дэд станц, шинэ эх үүсвэрийг барьж, цахилгаан эрчим хүчээр дотоодын хэрэгцээг бүрэн хангасан байна”, 6.4.“Нүүрс төрөгч багатай, хүртээмжтэй ногоон эдийн засгийг хөгжүүлж, уур амьсгалын өөрчлөлтийг сааруулах олон улсын хүчин чармайлтад хувь нэмэр оруулна” 

Монгол Улсын Их Хурлын 2020 оны 52 дугаар тогтоолын 2 дугаар хавсралтаар батлагдсан “Алсын хараа-2050”, Монгол Улсын урт хугацааны хөгжлийн бодлогын хүрээнд 2021-2030 онд хэрэгжүүлэх үйл ажиллагааны зорилтын 4.2.37.“Сэргээгдэх эрчим хүчний суурилагдсан чадлыг 30 хувьд хүргэх, гадагш урсгалтай гол, мөрний урсцын 10 хувийг эрчим хүчний үйлдвэрлэл болон бусад хэрэгцээнд ашиглана”,  

Монгол Улсын Засгийн газрын 2024-2028 оны үйл ажиллагааны хөтөлбөрийн 1.3.1.5.“Байдрагийн усан цахилгаан станцын төслийг хэрэгжүүлнэ”. 

Санхүүжилт хэлбэр: Төр, хувийн хэвшлийн түншлэлийн тухай хуулийн 14 дүгээр зүйлд заасны дагуу төслийн анхны хөрөнгө оруулалтын хэмжээ, өртөг нөхөх хугацаа, төсөл хэрэгжих хугацаа, төслийн мөнгөний үнэ цэнийн шинжилгээ зэргийг харгалзан дараах хувилбарын аль нэгээр хэрэгжүүлнэ. Үүнд: 

• төслийн зардлыг хэрэглэгчийн төлбөр, хураамж болон төслийн орлогоор санхүүжүүлэх; 
• төсвөөс санхүүжүүлэх; 
• холимог төрөл  

Санал авах хугацаа: Тус төслийг хэрэгжүүлэх сонирхлоо илэрхийлсэн саналаа 2026 оны 04 дугаар сарын 13-ны өдрөөс өмнө Эдийн засаг, хөгжлийн яамны Төр, хувийн хэвшлийн түншлэлийн газарт эсвэл Төр, хувийн хэвшлийн түншлэлийн төвд ирүүлнэ үү.  

Мэдээлэл өгөх уулзалт: Түншлэлийн төслийн талаар сонирхож буй хувь хүн, аж ахуйн нэгжүүдэд тодруулга, мэдээлэл өгөх нэгдсэн уулзалтыг 2026 оны 03 дугаар сарын 26 ны өдрийн 14:00 цагт Төр, хувийн хэвшлийн түншлэлийн төвийн байранд зохион байгуулна. Төслийн талаарх мэдээллийг Төр, хувийн хэвшлийн түншлэлийн төв, Төсөл хөгжүүлэлтийн газрын 75883377, 99016425, 99098018 утсаар лавлана уу.  

Хаяг: ЧД, 4-р хороо, Нэгдсэн үндэстний гудамж, 38-р байр, Улаанбаатар хот, Монгол Улс